Снежны чалавек апынуўся рэдкім відам мядзведзя
5- 17.10.2013, 13:16
- 19,931
Паводле апошніх даследаванняў ДНК еці, гэта міфічная істота можа ў рэальнасці апынуцца падвідам бурага мядзведзя.
Пра гэта піша The Independent.
Прафесар генетыкі Оксфардскага ўніверсітэта Браян Сайкс прааналізаваў валасы ад двух невядомых жывёл - першы ўзор быў знойдзены ў заходнім раёне Гімалаяў, а другі ў Бутане. Сайкс выявіў, што ўзоры на 100% ідэнтычныя ДНК старажытнага палярнага мядзведзя, які існаваў больш за 40 тысяч гадоў назад і знаходзіўся ў цесным сваяцтве з бурым мядзведзем, піша «Газета.Ru».
На думку прафесара, найбольш верагодным тлумачэннем паходжання еці з'яўляецца тое, што яны з'яўляюцца вынікам скрыжавання белых і бурых мядзведзяў.
Выданне нагадвае, што кантакты людзей з еці фіксаваліся на працягу многіх стагоддзяў насельніцтвам Гімалаяў і альпіністамі. Па словах відавочцаў, гэта «велізарная і валасатая» малпападобная істота.
Фота: Rex Features