Грабоўскі і Авечкін выступілі ў абарону бяздомных жывёл
7- 17.10.2013, 13:50
- 9,432
Гульцы «Вашынгтон Кэпіталс» прынялі ўдзел у пацешнай фотасесіі.
Беларускі хакеіст Міхаіл Грабоўскі і некаторыя яго аднаклубнікі зняліся для календара, мэта якога - прыцягнуць увагу людзей да жывёл, якія шукаюць гаспадароў, піша «Прессбол».
Гульцы фатаграфаваліся з бяздомнымі сабакамі, і толькі галкіпер Міхал Нойвірт - з уласным сабакам. А форвард «Кэпіталс» Маркус Юхансан нават выказаў жаданне ўзяць сабе аднаго з гадаванцаў, калі яго сяброўка не будзе пярэчыць.
Здымкай займалася нявеста абаронцы Майка Грына Кортні Пэры. Дабрачынную арганізацыю, якая арганізавала фотасесію і зоймецца распаўсюджваннем календара, таксама выбіралі жонкі і сяброўкі хакеістаў.