Еўразвяз створыць 9 транспартных калідораў

ЕЗ прадставіў новую транспартную стратэгію на 2014-2020 гады з аб'ёмам фінансавання ў 250 млрд еўра.

Прыярытэтнае фінансаванне атрымаюць транспартныя калідоры, якія злучаюць усходнія і заходнія часткі ЕЗ. Пра гэта паведаміў сёння еўракамісар транспарту Сійм Калас, паведамляе ИТАР-ТАСС.

«Транспарт з'яўляецца жыццёва важным для еўрапейскай эканомікі. Новая інфраструктурная палітыка аб'яднае магутнай адзінай транспартнай сеткай 28 дзяржаў ЕЗ, спрыяючы развіццю і росквіту. Гэта злучыць Усход з Захадам», - заявіў Калас.

Асновай новай інфраструктурнай палітыкі Еўразвязу стане пераўтварэнне нацыянальных транспартных сістэм садружнасці ў адзіную трансеўрапейская транспартную сетку. Яе ядром стануць дзевяць транспартных калідораў: Балтыка-Адрыятыка, Паўночнае мора-Балтыка, Міжземнаморскі калідор, Сярэднеўсходні калідор, Скандынавія-Міжземнае мора, Райн-Альпы, Атлантычны калідор, Паўночнае мора-Міжземнае мора, Райн-Дунай.

Праект плануюць скончыць да 2030 года. На фінансаванне пачатковага этапу яго рэалізацыі будзе выдаткавана 26 млрд еўра.

Трансеўрапейская транспартная сетка /TEN-T/ - маштабны інфраструктурны праект, мэтай якога з'яўляецца ўдасканаленне аўтамагістраляў, чыгунак, унутраных водных шляхоў, а таксама комплекснае каардынаванне сістэмы транспарту. Праца над праектам была распачатая ў 1990 годзе, цяпер яе рэалізацыяй кіруе спецыяльна створанае ў 2006 годзе агенцтва пры Еўракамісіі.