Азербайджан не збіраецца ў Еўразійскі саюз

Баку не лічыць мэтазгодным уступленне ў Еўразійскі саюз.

Пра гэта заявіў журналістам намеснік міністра замежных спраў Азербайджана Араз Азімаў, перадае «Інтэрфакс».

«Не думаю, што мы павінны ўносіць змены ў нашу палітыку, арыентаваную на 360 градусаў. Азербайджан з'яўляецца членам сусветнай супольнасці, уваходзіць у шэраг міжнародных арганізацый, і ў прыняцці аднабаковай накіраванасці я не бачу вялікіх выгод», - сказаў ён у панядзелак.

«Азербайджан з'яўляецца дзяржавай, якая дае карысць іншым краінам і рэгіёнам, уносіць вялікі ўклад у энергетычную бяспеку Еўропы, развівае трансрэгіянальныя транспартныя шляхі. У гэтым плане наша ўступленне ў нейкі аднабаковы фармат, на мой погляд, немэтазгодна», - адзначыў А.Азімаў.

«Азербайджан не павінен глядзець толькі ў адзін бок. З'яўляючыся дзяржавай з шырокімі магчымасцямі, Азербайджан павінен удзельнічаць ва ўсіх фарматах у адпаведнасці са сваімі інтарэсамі», - падкрэсліў намеснік міністра.

Нагадаем, 19 кастрычніка Ільхам Аліеў па выніках «выбараў» кіраўніка дзяржавы, якія адбыліся 9 кастрычніка, афіцыйна абвешчаны новаабраным прэзідэнтам краіны. Апазіцыя і незалежныя назіральнікі заявілі пра масавыя фальсіфікацыі падчас галасавання і агітацыйнай кампаніі.