Міліцыянты перасаджваюцца на BMW 5-Series GT

У Менску заўважаны новы BMW 5-Series GT з міліцэйскай афарбоўкай.

Гараджане заўважылі рэстайлінгавы аўтамабіль на сталічным праспекце Незалежнасці, у раёне парку імя Горкага. Прэм'ера мадэлі адбылася на аўтасалоне ў Франкфурце ў мінулым месяцы. BMW аформлены ў колераграфічнай афарбоўцы машын МУС, на дзверы нанесены афіцыйны герб Беларусі, піша onliner.by.

МУС валодае машынамі вытворчасці BMW: ёсць некалькі экіпажаў на старых мадэлях гэтай маркі ў Віцебскай вобласці, у Брэсцкай інспектары ДАІ выкарыстоўваюць у патруляванні нямецкія матацыклы. Характэрна, што бартавы нумар не быў нанесены на заўважаны ў сталіцы 5-Series GT, роўна як і не ўстаноўленыя рэгістрацыйныя нумары. Ва УДАІ МУС паведамілі, што інфармацыі аб абнаўленні аўтапарка не паступала, ва Упраўленні ДАІ не выключаюць магчымасці, што аўтамабіль не знаходзіцца на балансе Дзяржаўтаінспекцыі. Магчыма, машына будзе выкарыстоўвацца для суправаджэння, удзельнічаць у картэжах.

Заднія выхлапныя трубы могуць сведчыць пра магутны рухавік мадэлі. Такія ж ставяцца на версію GT M Sport Package.