«Фэйсбук» зламаўся

Прычына збою, які адбыўся некалькі гадзін таму, пакуль невядомая.

Панічныя твіты і пасты аб немагчымасці апублікаваць тэкст ці фота ў «Фэйсбуку» з'яўляюцца з самых розных краін свету - сярод іх не толькі беларусы і расейцы, так і англамоўныя і іншыя юзэры (гэтыя абвяшчаюць, што вінаваты ва ўсім панядзелак і гучна называюць тое, што адбываецца, «блэкаўтам»), піша «Інтэрфакс».

Якая рэальная прычына збояў, пакуль невядома - афіцыйнай рэакцыі ад распрацоўшчыкаў яшчэ не было.

Карыстальнікі паведамляюць, што непаладкі закранулі вялікую колькасць функцый сасеткі - акрамя немагчымасці новых публікацый недаступныя таксама «лайкі», «разшарванне» чужых запісаў, даданне новых сяброў і г.д. Адзначым таксама, што функцыянал «Фэйсбука» - у выглядзе кнопак для ацэнкі і публікацыі артыкулаў, рэгістрацыйных формаў і г.д. - актыўна выкарыстоўваецца многімі рэсурсамі. І непаладкі сур'ёзна парушаюць іх працу.