Візы ў Турцыю адменяць 24 кастрычніка

На працягу 30 дзён беларусы змогуць знаходзіцца ў гэтай краіне, не афармляючы візы.

Палата прадстаўнікоў Нацыянальнага сходу Беларусі плануе разгледзець пытанне аб прыняцці законапраекта аб ратыфікацыі міжурадавага беларуска-турэцкага пагаднення аб адмене віз на чарговым пасяджэнні 24 кастрычніка, паведамляе БелТА.

Для беларускіх грамадзян пагадненне дасць магчымасць знаходзіцца на тэрыторыі Турцыі на працягу 30 дзён, не афармляючы візы. Пры гэтым маецца на ўвазе 30-дзённы тэрмін з даты ўезду. На працягу аднаго года можна будзе заязджаць у Турцыю без візы, але агульны тэрмін такога знаходжання не павінен перавышаць 90 дзён.

Што ж тычыцца ўладальнікаў дыпламатычных, службовых і сацыяльных пашпартоў, якія прызначаныя ў дыпламатычныя прадстаўніцтвы, консульскія ўстановы або прадстаўніцтвы міжнародных арганізацый, якія знаходзяцца на тэрыторыі адной з дзвюх дзяржаў, то яны вызваляюцца ад неабходнасці атрымліваць візу для ўезду, выезду і транзіту на ўвесь перыяд прызначэння.

Яшчэ адзін важны момант пагаднення - абмежаванні бязвізавага рэжыму. Ён не будзе распаўсюджвацца на паездкі з мэтай працы (за выключэннем перавозак пасажыраў і грузаў), вучобы, навуковай дзейнасці, аб'яднання сям'і і пражывання. Грамадзяне Турцыі і Беларусі змогуць здзяйсняць паездкі без віз, калі яны выязджаюць для правядзення дзелавых перамоваў.

Аднак для ўвядзення бязвізавага рэжыму неабходная ратыфікацыя і беларуска-турэцкага пагаднення аб рэадмісіі. Палата прадстаўнікоў таксама плануе прыняць законапраект аб гэтым. Але пакуль не называюцца дакладныя даты.