Пракаповіч паабяцаў не падвышаць падаткі

У Беларусі не плануецца павялічваць стаўку падатку на дабаўленую вартасць.

Пра гэта паведаміў сёння журналістам намеснік прэм'ер-міністра Пётр Пракаповіч, паведамляе БелТА.

Цяпер стаўка ПДВ знаходзіцца на ўзроўні 20%. «Стаўка ПДВ застанецца нязменнай, - падкрэсліў Пётр Пракаповіч. - Такую пастанову прыняў прэзідыум. Мы не будзем уносіць карэктывы для яе падвышэння».

Нязменным, са слоў віцэ-прэм'ера, застанецца і падатак на прыбытак.

Як адзначыў Пётр Пракаповіч, павялічваць цяпер падатковую нагрузку нельга, бо яна і так дастаткова высокая. «Мы паводле гэтага паказчыка не можам канкурыраваць ні з Расеяй, ні з Казахстанам», - сказаў ён. Таму далейшае павелічэнне падатковай нагрузкі віцэ-прэм'ер лічыць немэтазгодным.