Аляксандр Алесін: Дзяржсакратаром Савета бяспекі можа стаць сын Лукашэнкі

Вайсковы аглядальнік Аляксандр Алесін мяркуе, што кіраўнік Пагранкамітэта - гэта апошняя пасада Леаніда Мальцава перад пенсіяй.

Аб гэтым эксперт заявіў «Радыё Свабода».

«Для Мальцава, які адслужыў усе тэрміны, усялякая дзяржаўная пасада не паніжэнне. Перад пенсіяй пенсіянер у кожным выпадку хоча працаваць. Таксама гэта звязана з чэмпіянатам свету. Трэба будзе паказаць краіну тварам. Лукашэнка надае вялікае значэнне чэмпіянату, будзе шмат гасцей. Трэба забяспечыць рэспектабельнасць памежнікаў, паказаць, што тут «гуманная краіна». Былы кіраўнік пагранічнага камітэта - служака, але не палітык. А цяпер патрэбны палітык. Ніякіх асаблівых парушэнняў у памежнікаў не было, хіба што выявілася нейкая карупцыя», - адзначыў эксперт.

На пытанне, хто можа цяпер заняць пасаду старшыні Савета бяспекі, Алесін адказаў, што тут патрэбен «малады і рашучы чалавек»:

«Наўрад ці гэта будзе вяртанне Шэймана. Але тут усё ж будзе чалавек адукаваны. Ён на гэтай пасадзе павінен будзе забяспечваць прэзідэнцкія выбары, перыяд падрыхтоўкі. Ён павінен забяспечваць лаяльнасць арміі і сілавога блока. Магчыма, гэта будзе памочнік Віктар Лукашэнка. Хоць гэта будзе выглядаць даволі абуральна».

Нагадаем, учора стала вядома, што Лукашэнка прызначыў Леаніда Мальцава, які займаў пасаду дзяржсакратара Савета бяспекі, старшынём Дзяржпагранкамітэта.