Сенатары ЗША Макейн і Мэрфі выступілі на Майдане (Відэа)

Амерыканскія сенатары Крыс Мэрфі і Джон Макейн выказалі падтрымку ўдзельнікам Еўрамайдана.

Яны выступілі са сцэны на Майдане Незалежнасці, перадае 5 канал.

Крыс Мэрфі падчас выступу заявіў: «У гісторыі кожнага народа ёсць моманты, калі трэба рабіць выбар... Выбар паміж мінулым і будучым... Будучыня Украіны - з Еўропай, і ЗША гэта падтрымлівае».

Джон Макейн адзначыў: «Я - рэспубліканец, сенатар Мэрфі - дэмакрат, і мы тут гаворым ад імя ўсяго амерыканскага народа, салідарнага з вамі... Ваш мірны пратэст натхняе свет. Мы тут, каб падтрымаць вашу справядлівую барацьбу. Толькі народ Украіны павінен вызначаць сваю будучыню. Украіна зробіць Еўропу лепшай, і Еўропа зробіць лепшай Украіну».