У падтрымку Майдана ўкраінцы ва ўсім свеце выйшлі на працу ў вышыванках

Больш за 1300 украінцаў, якія жывуць за межамі сваёй гістарычнай радзімы, у аўторак выйшлі на працу ў вышыванках.

Як паведамляе медыяпартал украінскай дыяспары Vidia, акцыя прайшла ў рамках сусветнага флэш-мобу «Вышыванка ў аўторак».

«Да падзеі далучыліся ўжо больш за 1300 асобаў. Усё роўна, сканчаеце вы экзамены або ідзяце на працу, або сядзіце дома, пакажыце сваё нацыянальнае пачуццё, традыцыйную вопратку, каб маральна падтрымаць і паказаць салідарнасць з дэманстрантамі на Еўрамайдане», - цытуе заклік украінцаў у ЗША медыяпартал ккраінскай дыяспары Vidia.