Лукашэнка выхваляецца новай рэзідэнцыяй

Па словах дыктатара, над стварэннем Палаца Незалежнасці працавалі ўнікальныя беларускія майстры.

Узнагароджанне дзяржаўнымі ўзнагародамі і дзяржпрэміямі Беларусі 2012 года заслужаным людзям краіны адбылося ў Палацы незалежнасці - новай рэзідэнцыі беларускага дыктатара.

Пра гэта паведамляе прэс-служба Лукашэнкі.

Падчас узнагароджання беларускі кіраўнік адзначыў «немалы ўклад творчых работнікаў у стварэнне ўнутранага ўбрання і афармлення Палаца Незалежнасці».

«Я спяшаўся яго ўвесці ў строй, каб усе кіраўнікі дзяржаў, пабываўшы тут, тым самым прызналі незалежнасць нашай дзяржавы дэ-факта і пасадзілі тут дрэўцы», - сказаў ён.

Па словах кіраўніка, над стварэннем Палаца Незалежнасці працавалі ўнікальныя беларускія майстры.

«І тут паўсюль праца творчага чалавека. Гэта ўкладанне ў гэтых людзей. Яны ў нас павінны ў краіне зарабляць і ствараць найвышэйшага ўзору аб'екты, каб мы маглі імі ганарыцца», - заявіў Лукашэнка.

Нагадаем, у новай рэзідэнцыі дыктатара ёсць зімовы сад, 3D-кінатэатр і верталётная пляцоўка, а залы ўпрыгожваюць залатыя люстры.