У Менск прыляцеў прэзідэнт Сербіі
19- 12.03.2013, 8:05
Пачаўся афіцыйны двухдзённы візіт у Беларусь прэзідэнта Сербіі Таміслава Ніколіча.
Самалёт сербскага Прэзідэнта здзейсніў пасадку ў Нацыянальным аэрапорце Менск, паведамляе БелТА. Таміслава Ніколіча сустрэў міністр замежных спраў Беларусі Уладзімір Макей.
Сёння пройдуць перамовы Лукашэнкі і Ніколіча ў вузкім і пашыраным колах. Стораны абмяркуюць увесь спектр беларуска-сербскіх стасункаў, у тым ліку супрацоўніцтва ў гандлёва-эканамічнай, навукова-тэхнічнай і гуманітарнай сферах, узаемадзеянне на міжнароднай арэне. Чакаецца, што паводле вынікаў перамоваў будзе падпісаны шэраг дзвюхстаронніх дакументаў.
На другі дзень візіту, 13 сакавіка, запланаваныя сустрэчы сербскай дэлегацыі з бізнэс-коламі Беларусі, наведванне розных аб'ектаў і прадпрыемстваў у Менску.
