У Беларусі абвешчана штармавое папярэджанне

Пагаршэнне надвор'я чакаецца ў бліжэйшыя суткі, 1 красавіка, у сувязі з перамяшчэннем цыклону з паўднёвага захаду Еўропы праз цэнтральныя раёны Беларусі.

Ноччу і раніцай у паўночна-заходніх і цэнтральных раёнах краіны прагназуецца моцны мокры снег, месцамі наліпанне мокрага снегу. На паўднёвым усходзе ападкі будуць ісці ў асноўным у выглядзе дажджу і месцамі суправаджацца туманамі, паведамляе БелаПАН.

Тэмпература паветра бліжэйшай ноччу 0 - мінус 2°С, днём у панядзелак 1-3°С вышэй за нуль. Парывы ветру ноччу месцамі будуць дасягаць 12 м/с, днём 3-5 м/с.

Такое ж надвор'е прагназуецца і на гэты тыдзень.