«Гарызонт» будзе выпускаць кітайскі шырспажыў

Беларускае дзяржпрадпрыемства «Гарызонт» вядзе перамовы з Huawei аб вытворчасці смартфонаў і планшэтаў пад беларускім брэндам.

Для гэтага дэлегацыя з Беларусі прыбыла ў Шэньжэнь (Кітай) у цэнтральную штаб-кватэру Huawei, піша Telecom Daily.

Годам раней «Гарызонт» ужо замаўляў у кітайскіх ODM-вытворцаў планшэты і анансаваў тры з іх на лакальным рынку. Аднак дзеля максімальнай таннасці былі абраныя невялікія паўсаматужныя вытворчасці, няздольныя забяспечыць прымальную якасць, падтрымку і ўзровень распрацовак. Пры гэтым брэнд «Гарызонта» быў зроблены ў выглядзе налепкі на корпусе, такім чынам, хутчэй за ўсё, гаворка ішла аб куплі гатовай партыі і наступным яе брэндаванні «на каленцы».

Huawei здольная на замову вырабіць патрэбную колькасць прылад з пэўнымі параметрамі і забяспечыць якаснае брэндаванне аж да ўпакоўкі - гэтак жа, як кампанія сёння выпускае прылады для аператараў.

Сайт charter97.org неаднаразова пісаў пра тое, што завод «Гарызонт» страціў свае пазіцыі. Кіраўніцтва холдынгу не ў стане выправіць сітуацыю. З канца сакавіка аб праблемах «Гарызонта», і прадпрыемствах, якія ўваходзяць у яго склад, стала распавядаюць і іншыя СМІ. Цяжкае становішча склалася праз адсутнасць замоў на прадукцыю завода. Гэта прычынілася да скарачэння працоўных.

«Раней цэх працаваў у дзве змены. Зараз тэлевізары ўласнай вытворчасці практычна не прадаюцца. Мы збіраем мадэлі замежных фірмаў. На заводзе масава скарачаюць рабочых. Тых, у каго скончыўся кантракт у студзені-сакавіку, проста звольнілі. Такіх толькі ў нашым цэху ўжо больш за сто чалавек», - распавядалі рабочыя завода.

Нагадаем, у Беларусі дзейнічае палітыка імпартазамяшчэння, у адпаведнасці з якой урадам падтрымліваецца вытворчасць тавараў народнага спажывання ўнутры краіны. Аднак для распрацоўкі і выпуску высокатэхналагічных прылад у краіне няма навуковай і вытворчай базы, таму «Гарызонт» і займаецца такім «бэдж-інжынірынгам».

Кампанія Huawei, якая актыўна працуе на беларускім рынку, неаднаразова крытыкавалася за нядобрасумленныя метады распрацоўкі прадуктаў.

У прыватнасці, у 2003 годзе суд штата Тэхас (ЗША) прыняў да разгляду пазоў кампаніі Cisco Systems адказнікамі якога выступалі Huawei Technologies і 3COM. У пазоўнай заяве сцвярджалася, што аперацыйная сістэма VRP і дакументацыя да маршрутызатара Quidway проста скапіяваная з зыходных тэкстаў належаць Cisco Systems. У заяве былі прадстаўлены доказы, якія ўключаюць ідэнтычныя ўзоры кода, ідэнтычныя імёны працэдур і дэфекты, аналагічныя аперацыйнай сістэме Cisco IOS.

У дакладзе Кангрэсу ЗША 2008 амерыканскія вайскоўцы выснавалі, што Huawei «падтрымлівае шчыльныя сувязі» з Народна-вызваленчай арміяй Кітая (НВАК). Як следства, кампаніі быў абмежаваны доступ да сетак, якія перадаюць інфармацыю дзяржаўнага або вайсковага характару.