Зух з Беларусі працягнуў маскоўскага інспектара ДПС за сваім самаходам

Кіроўца заціснуў руку аўтаінспектара дзвярыма аўтамабіля і працягнуў яго некалькі метраў.

Пра гэта паведамілі ў прэс-службе ГУ МУС Расеі ў Маскве.

- Інцыдэнт адбыўся ў 7 гадзін 5 хвілін на скрыжаванні Валакаламскага шашы і Валакаламскага праезду, - патлумачыла афіцыйная прадстаўнічка УГІБДД расейскай сталіцы Алеся Грачова. - Супрацоўнік асобнага батальёна АДІБДР УУС па ПЗАА спыніў аўтамабіль SAAB, за стырном якога знаходзіўся грамадзянін Беларусі для праверкі дакументаў. Падчас перадачы дакументаў кіроўца легкавіка шклопад'ёмнікам заблакаваў руку паліцэйскага і пачаў рух, у выніку чаго інспектар упаў і атрымаў траўмы, піша «Вечерняя Москва».

Паводле папярэдніх звестак, кіроўца ўчыніў супрацьпраўныя дзеянні ў дачыненні да паліцэйскага наўмысна. Інспектар шпіталізаваны ў медустанову з ўдарамі.

Праехаўшы некалькі метраў, кіроўца спыніўся.

Фота: «Вечерняя Москва», Антон Герда