Друкарскі станок працуе на знос

Нацбанк у 2012 годзе павялічыў выпуск наяўных грошай у 2,1 разы.

Нацыянальны банк Беларусі ў 2012 годзе выпусціў у абарачэнне наяўных грошай на Br4,6 трл.

Пра гэта гаворыцца ў справаздачы Нацбанка.

У 2011 годзе выпуск наяўных грошай у абарачэнне склаў Br2,2 трлн (0,74% ВУП). Такім чынам, у 2012 годзе НББ павялічыў эмісію наяўнасці ў 2,1 разы ў параўнанні з 2011 годам.

У справаздачы гаворыцца, што за 2012 год наяўны грашовы абарот склаў Br524,1 трлн, павялічыўшыся на 84,6%, або на Br240,2 трлн. У 2011 годзе наяўны грашовы абарот вырас на 46,2%, або на Br89,6 трлн, да Br283,8 трлн.

На 1 студзеня 2013 года ў наяўным абарачэнні знаходзілася Br11,3 трлн, што на 68,7% больш у параўнанні з 1 студзеня 2012 года. Пры гэтым колькасць банкнот скарацілася на 5,4% да 634,9 млн экземпляраў.

Паводле справаздачы, найбольшая ўдзельная вага банкнот, якія знаходзяцца ў абарачэнні на пачатак 2013 года, прыходзілася на банкноты наміналам 100 тыс. рублёў (36,8% ад агульнай сумы банкнот). На долю банкнот наміналам 200 тыс. прыпадае 35,1%, 50 тыс. - 21,8%, 20 тыс. - 3,7%, 10 тыс. - 1,2% і 5 тыс. - 0,6%. Доля банкнот іншых наміналаў склала 0,8%.

Нагадаем, што ў 2011 годзе, з-за амаль трохразовай дэвальвацыі беларускага рубля, шырокая грашовая маса ў Беларусі вырасла ў 2,2 разы.