Спыняецца продаж аўтабензіну Нармаль-80

Продаж аўтабензіну Нармаль-80 на аўтазаправачных станцыях фірменнай сеткі «Беларуснафта» спыняецца ў чэрвені 2013 года.

Пра гэта паведамляе прэс-служба прадпрыемства.

Адзначаецца, што мадэрнізацыя, праведзеная ў ААТ «Мазырскі нафтаперапрацоўчы завод», дазволіла прадпрыемству перайсці на выпуск у вялікіх аб'ёмах высокаактанавых марак бензіну АІ-92 К5, АІ-95 К5, АІ-92 К5 Еўра, АІ-95 К5 Еўра. Гэта ў сваю чаргу прывяло да адсутнасці тэхнічнай магчымасці вытворчасці заводам аўтабензіну Нармаль-80, які мае нізкую дабаўленую вартасць. Новае абсталяванне на заводзе выведзена на праектную магутнасць.

Продаж аўтабензіну Нармаль-80 у рэспубліцы скарачаўся паэтапна з лютага 2013 года. У цяперашні час праз фірменную сетку «Беларуснафта» рэалізуюцца рэшткі гэтага віду паліва.