Топ-30 стратных беларускіх ААТ

Перапрацоўка мяса і малака становіцца нявыгаднай для беларускай эканомікі.

Прадпрыемствы гэтага профілю склалі большасць у топ-30 стратных ААТ.

Узначальвае рэйтынг Светлагорскі цэлюлозна-кардонны камбінат, на другім і трэцім месцы - Маладзечанскі малочны камбінат і віцебскае «Малако», піша «Завтра твоей страны».

Сярод трыццаці самых стратных вытворчасцей 13 прадстаўляюць малочную і мясную галіны. Такія звесткі апублікаванай нядаўна Міністэрствам фінансаў Беларусі зводнай справаздачы «ААТ Беларусі» за 2012 год.

У цэлым на харчовую галіну прыйшлася палова стратных прадпрыемстваў. На 12-м месцы ў рэйтынгу апынулася «Белрыба», 14-е заняў менскі броварны завод «Крыніца». Адзначым, што і другая броварная вытворчасць, якая знаходзіцца ў руках дзяржавы, «Брэсцкае піва» таксама адпрацавала са стратай - «мінус» 12013 млн. рублёў.

Шэсць прадпрыемстваў рэйтынгу ўяўляюць галіна будаўнічых матэрыялаў. Па выніках 2012 года ў яго ўвайшлі таксама некалькі вядомых заводаў з іншых галін, у тым ліку «Белкамунмаш», «Віцязь» і «Мотавела».