Аляксей Кучук перайшоў у партугальскі клуб

Беларускі форвард падпісаў кантракт з клубам «Бэйра-Мар», які выступае ў другім дывізіёне чэмпіянату Партугаліі.

У мінулым сэзоне Аляксей Кучук гуляў за краснаярскую каманду «Енісей». У першынстве ФНЛ ён браў удзел у 19 матчах і забіў адзін гол, піша sportbox.ru.

Футбаліст з'яўляецца сынам галоўным трэнера маскоўскага «Лакаматыва» Леаніда Кучука. Раней 26-гадовы нападнік выступаў у Расеі за «Кубань», а найбольшую частку сваёй кар'еры ён правёў у тыраспальскім «Шэрыфу», з якім стаў чатырохразовым чэмпіёнам Малдовы.

Фота: moldova.sports.md