Таксіст заснуў за рулём і зладзіў ДТЗ на Нямізе
7- 1.09.2013, 16:31
- 36,472
Здарэнне адбылося сёння раніцай на вуліцы Няміга ў Менску.
BMW, Skoda і Opel стаялі ў адным шэрагу ля святлафора ў чаканні дазваляльнага сігналу. У гэты момант ззаду ў Opel ўрэзалася таксі Volkswagen Passat. Удар быў такой сілы, што ўтварыўся «паравоз». Са слоў кіроўцы аднаго з пашкоджаных аўто, віноўнік ДТЗ заснуў за рулём, піша onliner.by.
«Гуку тармажэння не было. Спачатку я пачуў ўдар, праз секунду адчуў моцны штуршок ззаду, - распавёў кіроўца Skoda Fabia. - Перада мной быў BMW - у яго толькі драпіна на бамперы, кіроўца махнуў рукой і з'ехаў. У мяне бампер сышоў у багажнік, а фаркоп апынуўся ў радыятары Corsa. Кіроўца Passat адразу выйшаў і паводзіў сябе адэкватна. Ён сказаў, што, падобна, заснуў за рулём».
Медыцынская дапамога нікому з удзельнікаў ДТЗ не спатрэбілася.