Нацбанк напалохаў укладчыкаў «чорным аўторкам»

Вынікі валютных таргоў у аўторак 10 верасня прымусілі панервавацца ўкладчыкаў, якія захоўваюць зберажэнні на рублёвых дэпазітах.

Беларускі рубель моцна аслабеў да ўсіх валют. Шмат кім гэта было расцэнена як пачатак карэкціровачная дэвальвацыі, пра якую ў апошні час толькі і кажуць, і якая сапраўды наспела, піша «Белорусская деловая газета».

Асабліва прыкметна падаражэў афіцыйны валютны кошык з трох валют, якія ўваходзяць у яго.

Даляр у аўторак падаражэў на 0,22%, гэта значыць, з хуткасцю ў 80,8% гадавых. На самой справе гэта далёка не самы рэзкі дзённы рост курсу даляра ў бягучым годзе: з пачатку студзеня было ажно 46 дзён з большай хуткасцю падзення «зайчыка» да даляра.

Мал.1 . Штодзённая дынаміка курсу даляра ў Беларусі, 2013 год

А вось еўра на ўчорашніх таргах вырас значна мацней, чым даляр, на 0,76% (адпавядае 276,1% гадавых), што звязана з рэзкім яго ўмацаваннем да «амерыканца» на сусветных гандлёвых пляцоўках. З пачатку года толькі 4 дня з большай хуткасцю падзення беларускай валюты да еўрапейскай.

Мал.2 . Штодзённая дынаміка курсу еўра ў Беларусі, 2013 год

Расейскі рубель, які ўмацаваўся ў аўторак і да даляра і да еўра ў самой Расеі, паказаў у гэты дзень самы моцны (на 0,92%), сярод іншых замежных валют, рост на БВФБ, які адпавядае 336,7% гадавых. Аднак і гэтая велічыня - не максімальная ў 2013 годзе, а толькі чацвёртая: тры гандлёвыя сесіі скончыліся з вялікім падзеннем беларускага рубля да расейскага.

Мал.3 . Штодзённая дынаміка курсу расейскага рубля ў Беларусі, 2013 год

Бівалютны кошык, які складаецца з даляра і еўра, падаражэў у аўторак на 0,49%, што адбываецца пры курсавай змене з хуткасцю 178,3% гадавых. У 2013 годзе было 4 гандлёвых сесіі з большай, чым учора, хуткасцю падаражэння гэтага бівалютнага кошыка, і яшчэ дзве - з блізкай па велічыні.

Мал.4 . Штодзённая дынаміка кошту бівалютнага кошыка ў Беларусі, 2013 год

Аднак менавіта падаражэнне нацбанкаўскага трохвалютнага кошыка з'явілася галоўнай навіной учорашняга валютнага рынку: больш моцнае дзённае паслабленне беларускага рубля да гэтага кошыку было з пачатку года толькі адзін раз (у студзені), і толькі некалькі сесій БВФБ паказалі ў гэтым годзе блізкі вынік.

Мал.5 . Штодзённая дынаміка кошту трохвалютнага кошыка ў Беларусі, 2013 год

Таргі на БВФБ, якія пройдуць сёння, у сераду 11 верасня, цяпер прыцягваюць асабліва моцную ўвагу. Менавіта іх вынік дасць магчымасць спрагназаваць напрамак далейшых дзеянняў Нацыянальнага Банка. Курсавы адкат (умацаванне беларускага рубля) пакажа, што грашовыя ўлады ўсё-такі вырашылі ўтрымліваць рубель, не дапушчаючы ажыятажу на валютным рынку. Невялікае падаражанне можа сказаць пра прынятае рашэнне ажыццяўляць усё ж плыўную, за некалькі месяцаў, дэвальвацыю, з хуткасцю, якая не перавышае велічыню дзеючых адсоткавых ставак па рублёвых дэпазітах. Паўтор жа ўчорашняй сітуацыі, а менавіта такое ж рэзкае паслабленне айчыннай валюты, будзе азначаць, што, магчыма, прынятае рашэнне аб рэзкай, можа быць на працягу тыдня, карэкціроўцы валютнага курсу беларускага рубля, у мэтах прывядзення яго да значэнняў, якія адпаведаюць сённяшняй эканамічнай сітуацыі ў краіне. Акрамя таго, магчымы варыянт дэвальвацыі ў выглядзе частага паўтарэння ўчорашняга «чорнага аўторка», што можа за адзін-два месяцы даволі значна, але не дапушчаючы ажыятажу, аслабіць беларускую валюту. Такую дэвальвацыю, калі яна адбудзецца, нельга будзе назваць ні рэзкай, ні плыўнай, а хутчэй шматступеннай.