У Расеі адзначаюць Дзень гранёнай шклянкі

70 гадоў таму ў Гусь-Хрустальным выпусцілі першую гранёную шклянку.

Першы асобнік посуду, які стаў культавым у савецкія часы, сышоў з канвеера шклянога завода ў Гусь-Хрустальным 11 верасня 1943 года. Па адной з версій, распрацоўка дызайну належыць скульптару Веры Мухінай, аўтару скульптуры «Рабочы і калгасніца», піша «Комсомольская правда».

Аднак ва Уладзімірскай вобласці лічаць шклянку сваім «ноўхаў». Шклянку нібыта выпускалі на заводзе Мальцовых яшчэ пры цары, запазычыўшы ідэю ў амерыканцаў.

Шклянка была слаўнай тым, што практычна не разбівалася пры падзенні і ў яе зручна было разліваць «на траіх». У апошнія дзесяцігоддзі шклянкі практычна не выпускаюцца.