Ладуцька: Станцыю метро «Малінаўка» адкрыюць толькі 9 траўня
17- 11.09.2013, 13:01
- 19,295
Кіраўнік Менгарвыканкама паскардзіўся на недахоп працоўнай сілы, занятай у будаўніцтве метро.
- Станцыю метро «Малінаўка» мы пастараемся адкрыць 9 траўня наступнага года, - заявіў сёння кіраўнік Менгарвыканкама. - У пачатку абмяркоўвалі адкрыццё гэтай станцыі ў верасні, але потым параіліся і вырашылі ўсё ж такі дату прызначыць на 9 траўня.
Мікалай Ладуцька распавёў, што пры будаўніцтве метро паўсталі некаторыя складанасці з колькасцю рабочай сілы. Так, бракавала 200 маналітчыкаў. Гарадскія ўлады звярнуліся да прыватных забудоўшчыкаў, якія будуюць жылыя дамы і іншыя аб'екты ўздоўж праспекта Дзяржынскага з просьбай прадаставіць свабодныя працоўныя рукі. З 200 чалавек ужо знайшлі 50, піша «Комсомольская правда в Беларуси».
Таксама ён расказаў, што ўжо ідзе падрыхтоўка да будаўніцтва трэцяй лініі метро: рассяляюцца людзі, падрыхтоўваюцца да зносу жылыя і іншыя будынкі.