Яшчэ адна гамяльчанка скокнула з моста
42- 14.09.2013, 11:56
- 44,262
За яе жыццё змагаюцца лекары.
13 верасня ў 19.40 у МНС паступіў званок, што з аўтамабільнага моста праз раку Сож, які злучае 5-ы мікрараён і Навабеліцкі раён Гомеля, скокнула жанчына, піша БелаПАН.
«Хутка адрэагавалі супрацоўнікі МНС і Асвода. Даследавалі блізу 400 метраў акваторыі ўніз па плыні і ў выніку знайшлі жанчыну ў вельмі цяжкім стане. Яна шпіталізаваная з некалькімі дыягназамі, у тым ліку «пераахаладжэнне» і «ўтапленне». За жыццё жанчыны змагаюцца рэаніматолагі», - паведаміў прэс-сакратар Гомельскага абласнога ўпраўлення МНС Руслан Габрылёў.
На выгляд жанчыне каля 45 гадоў, дакументаў пры ёй не было.
Роўна тыдзень таму, 6 верасня, у Гомелі жанчына скінула з моста пяцігадовае дзіця і скокнула ўслед за ім у ваду. Іх выратавалі мінакі.