28 сакавiка 2024, Чацвер, 14:14
Падтрымайце
сайт
Сім сім,
Хартыя 97!
Рубрыкі

У Еўрапарламенце прадставілі намінантаў на прэмію Сахарава

6
У Еўрапарламенце прадставілі намінантаў на прэмію Сахарава

7 кандыдатаў на прэмію Сахарава прадставілі еўрадэпутаты на сумесным пасяджэнні камісіі замежных спраў і падкамісіі па правах чалавека Еўрапарламента.

Сярод намінантаў Алесь Бяляцкі, Мікалай Статкевіч і Эдуард Лобаў, якія прадстаўляюць ўсіх беларускіх палітвязняў, - кажа еўрадэпутат Марэк Мігальскі, які прадставіў іх кандыдатуры ў Еўрапейскім парламенце, перадае «Радыё Рацыя».

«Усіх беларускіх палітвязняў прадстаўляюць тры чалавекі. Калі ўзнагароду атрымаюць гэтыя тры чалавекі, то гэта значыць, што яе атрымаюць усе беларускія палітвязні», - заявіў Марэк Мігальскі.

Кіраўніка праваабарончага цэнтра «Вясна» Алеся Бяляцкага вылучалі на прэмію Сахарава і ў мінулым годзе. Ён быў другім па колькасці галасоў. Аднак узнагароду тады атрымалі іранцы - адвакат Насрын Сатудэх і рэжысёр Джафар Панахі, якія ў сваёй краіне зараз знаходзяцца за кратамі.

Прэмія імя савецкага навукоўца і дысыдэнта Андрэя Сахарава была заснаваная ў снежні 1985 года Еўрапейскім Парламентам. Яна прысуджаецца асобам ці арганізацыям, якія абараняюць правы і свабоды людзей.

Напісаць каментар 6

Таксама сачыце за акаўнтамі Charter97.org у сацыяльных сетках