Нацбанк цікавіцца паездкамі беларусаў за мяжу

Беларусам, якія перасякаюць мяжу, прапануюць запоўніць ананімную анкету.

Пра гэта ў сваім акаўнце ў сацыяльнай сетцы «Фэйсбук» паведаміла журналістка Крысціна Карчэўская.

У анкеце змяшчаюцца пытанні на рускай і ангельскай мовах. Тым, хто перасякае мяжу, прапануюць расказаць пра мэту паездкі і яе працягласць. Таксама складальнікі дакумента цікавяцца сумай, якую людзі плануюць выдаткаваць падчас падарожжа і таварамі, якія яны вывозяць з Беларусі.