Ашчадбанк Расеі прадказвае Беларусі новы крызіс

Верагоднасць узнікнення валютнага крызісу ў Беларусі на працягу года складае 59%.

Пра гэта гаворыцца ў аглядзе Цэнтра макраэканамічных даследаванняў банка (ЦМД), які тычыцца Украіны, Беларусі і Казахстана.

«Нацыянальныя Банкі гэтых краін моцна абмяжоўваюць ваганні курсу нацыянальнай валюты да даляра ЗША. Па выніках чэрвеня 2013 года, найбольшая верагоднасць валютнага крызісу на працягу наступных 12 месяцаў адзначаная на Украіне - 82%. Далей ідзе валютны рынак Беларусі - 59%», - адзначаецца ў аглядзе.

«Параўнальна нізкае значэнне верагоднасці ціску на беларускі рубель не сведчыць пра пазітыўную дынаміку фактараў крызісу, а з'яўляецца вынікам раўнаважкай карэкціроўкі рэальнага курсу бел. рубля пры двухступеністая дэвальвацыі 2011 года. Гэты эфект, паводле нашых ацэнак, практычна цалкам вычарпаны», - лічаць эксперты расейскага Ашчадбанка.

«Зыходзячы з макраэканамічных прагнозаў ЦМД развіцця эканомікі краін СНД у 2013-2014 гг., мы чакаем павелічэння верагоднасці валютнага крызісу ва Украіне і Беларусі. Найбольшы рост верагоднасці, па нашых ацэнках, адбудзецца ва Украіне, у выніку чаго індыкатар ушчыльную наблізіцца да 100% на працягу 2015 года. У Беларусі, нават улічваючы паступовае паслабленне нацыянальнай валюты да канца 2014 года на 15%, верагоднасць далейшага рэзкага пагаршэння сітуацыі для снежня 2014 года ацэньваецца намі ў 73% (верагоднасць валютнага крызісу на працягу 2015 года)», - падкрэсліваецца ў аглядзе.

«У траўні і кастрычніку 2011 года адбылася двухступеністая, практычна трохразовая дэвальвацыя нацыянальнай валюты (да 8500 бел.рублёў/даляр), якая прывяла пасля да гіперінфляцыі (тэмпы росту спажывецкіх коштаў перавышалі 100% гг ) і запаволення тэмпаў эканамічнага росту (з 10% гг у першым паўгоддзі 2011 г, 1,7% гг у 3 квартале 2011, 0,25% гг у 4 квартале 2011 г)», - нагадваюць эксперты Ашчадбанка Расеі.

«Бягучы цыкл росту верагоднасці крызісу пачаўся ў 2012 годзе. Фундаментальныя прычыны ўсё тыя ж: урад, назіраючы хуткую дынаміку аднаўлення, напярэдадні парламенцкіх выбараў паспяшаўся вярнуцца да мяккай палітыкі, якая падрывае макраэканамічную стабільнасць і зводзіць на нішто выйгрышы ад дэвальвацыі. З лютага па верасень 2012 года ЦБ Беларусі знізіў стаўку рэфінансавання з 45 да 30% (хоць інфляцыя ў верасні склала 38,7% гг). Але эканамічная актыўнасць працягвала запавольвацца. Рост ВУП склаў 1,5% г у 2012 годзе, у першым паўгоддзі 2013 года эканоміка вырасла на 1,4% гг. Прафіцыт рахунку бягучых аперацый, які існаваў у першым паўгоддзі 2012 года (у тым ліку дзякуючы экспарту «растваральнікаў»), у 3 квартале 2012 г. ізноў перайшоў у дэфіцыт (-1 млрд. дал) і дасягнуў дэфіцыту ў 2,4 млрд. дал. (17% ВУП) у 1 квартале 2013 года, што зноў сур'ёзна ўзмацніла ціск на валюту. Па стане на канец II квартала 2013 г., верагоднасць істотнага ціску на курс беларускага рубля ацэньваецца намі ў 59%», - гаворыцца ў дакуменце.