Адзінай краінай, якая павялічыла экспарт ва Украіну, стала Беларусь
5- 15.11.2014, 10:02
- 10,724
Украіна скараціла імпарт на 25,4% у параўнанні з мінулым годам.
Пры гэтым адзінай краінай, якая нарасціла пастаўкі, стала Беларусь, піша ТАСС.
«За 9 месяцаў 2014 імпарт склаў 41,17 млрд даляраў. У параўнанні са студзенем-вераснем 2013 гэты паказчык скараціўся на 25,4%», - гаворыцца ў справаздачы Дзяржстата Украіны.
На паказчыкі імпарту істотна паўплывала памяншэнне ў верасні 2014 імпарту газу амаль на 82%. Акрамя газу, скараціліся пастаўкі лекаў - на 37,4%, свініны - на 69,6%, вугалю - на 26,4%.
У параўнанні са студзенем-вераснем 2013 Украіна павялічыла імпарт тавараў толькі з Беларусі (на 7,4%). З астатніх краін ён паменшыўся: з Расеі на 36%, з Кітая - на 29,7%, з ЗША - на 28,3%, з Францыі - на 25,3%.