«Берасцейскае піва» прызнанае банкрутам

Суд прызнаў ААТ «Берасцейскае піва» банкрутам і ўстанавіў тэрмін для санацыі ў 1,5 года.

Пра гэта паведамілі агенцтву «Інтэрфакс-Захад» у прэс-службе Вярхоўнага суда Беларусі.

«Сёлета ўлетку эканамічным судом Берасцейскай вобласці была распачатая справа аб банкруцтве ААТ «Берасцейскае піва» на заяву вінаватага і ўсталяваны ахоўны перыяд. Падчас пасяджэння 20 лістапада суд заслухаў справаздачу антыкрызіснага кіраўніка паводле вынікаў конкурснай вытворчасці, ягонае заключэнне аб фінансавым стане прадпрыемства і разгледзеў прадстаўлены план санацыі прадпрыемства», - распавялі ў прэс-службе ВС.

Так, паводле яе інфармацыі, для аднаўлення плацежаздольнасцi «Берасцейскае піва» планам санацыi ў якасці мер выхаду з крызісу прапанаваныя цалкам стандартныя: нарошчванне аб'ёмаў вытворчасці, аптымізацыя выдаткаў, змена маркетынгавай палітыкі прадпрыемства, аптымізацыя штатнай колькасці работнікаў прадпрыемства, адчужэнне аб'ектаў, што не выкарыстоўваюцца, аптымізацыя кіравання фінансамі, а таксама здача ў арэнду маёмасці.

«У плане санацыі падлічаная эканамічная эфектыўнасць мерапрыемстваў, уключаючы павышэнне рэнтабельнасці і плацежаздольнасці вінаватага», - адзначылі ў ВС.

Як адзначылі ў прэс-службе, па выніках судовага паседжання суд прызнаў «Берасцейскае піва» эканамічна неплацежаздольным (банкрутам), зацвердзіў план санацыi, прадстаўлены кіраўнікам, і ўсталяваў тэрмін для правядзення санацыi (фінансавага аздараўлення) прадпрыемства працягласцю 18 месяцаў.

ААТ «Берасцейскае піва» створана ў 2002 годзе на базе Берасцейскае камбіната безалкагольных напояў (утворана ў 1970 годзе). Вырабляе піва, віны вінаградныя, слабаалкагольныя напоі, мінеральную газаваную ваду.