«Дзецюкі» прадставілі кліп пра беларускіх герояў (Відэа)

Конная тачанка пад велізарным бел-чырвона-белым сцягам, адчайныя воіны-беларусы і танцы «чырвоных камісараў».

Усё гэта ў новым відэакліпе Антона Цялежнікава на песню гурта «Дзецюкі» «Хлопцы-балахоўцы», паведамляе «Белсат».

Рэжысёр адзначыў, што кліп на песню «Хлопцы-балахоўцы» прысвечаны не толькі Слуцкаму паўстанню, але і іншым узброеным выступам беларускага народа супраць камуністычных захопнікаў.