The New York Times: Па эканоміцы Расеі нанесены знішчальны ўдар

Расея патрапіла ў эканамічны вір, з якога яна самастойна не выберацца.

Эканоміка краіны адчувае знішчальны ўдар, піша «Корреспондент» са спасылкай на амерыканскае выданне The New York Times.

У свой час прэзідэнт Расеі Уладзімір Пуцін рабіў уражанне на многіх людзей, пазіруючы ў вобразе ці то мачо, ці то культурыста. Адным з узрушаных быў былы мэр Нью-Ёрка Рудольфа Джуліяні. "Гэта сапраўдны лідар", - сказаў Джуліяні пасля таго, як Пуцін "анексаваў Крым без лішніх дэбатаў".

"Аднак Пуцін некалькі пераацаніў сваю сілу. Эканоміка Расеі дзесьці падобная на бразільскую. Цяпер мы ўбачылі, наколькі ўразлівай яна з'яўляецца падчас фінансавага крызісу. І гэтая ўразлівасць выцякае з самой прыроды пуцінскага рэжыму", - піша газета.

Калі з пачатку ўварвання ў Крым расейскі рубель патроху губляў пазіцыі адносна іншых валют, то за некалькі апошніх тыдняў ён проста паваліўся. Радыкальныя меры накшталт завоблачнага ўзняцця ўліковай стаўкі Цэнтрабанка Расеі ці забарона прыватным кампаніям трымаць на рахунках даляры змаглі толькі часова стабілізаваць рубель і запаволіць падзенне. Расея патрапіла ў эканамічны вір, з якога яна самастойна не выберацца, адзначаюць журналісты.

"У гэтай сітуацыі падзенне даходаў ад экспарту спараджае замкнёнае кола. Нацыянальная валюта падае, мясцовыя кампаніі гандлююць у рублях, але павінныя вяртаць даўгі ў далярах. Дэбет перастае сыходзіцца з крэдытам. Нацыянальная эканоміка адчувае знішчальны ўдар, людзі губляюць да яе давер і нацыянальная валюта падае яшчэ больш. Тое, што зараз адбываецца ў Расеі, ужо даўно апісанае ў падручніках эканомікі", - піша газета.

Але, на думку выдання, ёсць адно прынцыповае адрозненне. Звычайна крызіс прыходзіць у краіны з вялікім гандлёвым дэфіцытам. Расея ж стала мела прафіцыт знешняга гандлю. Куды ж падзеліся грошы?

Адказ, кажуць журналісты, можна адшукаць у раёне Мэйфейр у Лондане або на Манхэтэне ў Нью-Ёрку. Увечары там можна ўбачыць, што ў шматлікіх шыкоўных рэзідэнцыях няма святла. Уладальнікамі такой нерухомасці пра запас з'яўляюцца кітайскія мільянеры, арабскія шэйхі і расейскія алігархі. Расейцы любяць трымаць сваё багацце за мяжой і шыкоўныя рэзідэнцыі з'яўляюцца толькі верхавінай айсберга і, адпаведна, зваротным бокам даўгоў Расеі.

"Пуцінскі вобраз мачо-культурыста стаў фактычна правобразам расейскай катастрофы. Калі б краіна мела дэмакратычны і адкрыты да міру рэжым, не было б такой карупцыі і такіх даўгоў. Магчыма, Рудольфа Джуліані гэта б не спадабалася, але вобраз мачо вельмі часта з'яўляецца прыкметай дрэннай эканомікі", - піша газета.