Біржавы курс еўра перавысіў 67 расейскіх рублёў

Пасля недаўгачасовага ўмацавання рубля на адкрыцці таргоў на Маскоўскай біржы ў сераду раніцай кошт еўра перавысіў 67 руб, даляра - 55,49 руб.

На закрыцці біржы ў аўторак еўра каштаваў на ўзроўні 66,47 руб, даляр - 54,50 руб.

А 10:02 кошт еўра апусціўся да ўзроўню 65,98 руб, даляра - да 54 руб роўна. Гэта на 49 кап і на 50 кап ніжэй адпаведных паказчыкаў на закрыцці таргоў у аўторак. Тады адзіная еўрапейская валюта таргавалася на ўзроўні 66,47 руб, амерыканская - 54,50 руб, піша РБК.

Аднак неўзабаве еўра і даляр пайшлі ў рост: еўрапейская валюта а 10:14 дасягнула адзнакі 67,61 руб, амерыканская - 55,49 руб.

Афіцыйны курс даляра, усталяваны ЦБ з 24 снежня 2014 года, складае 54,5687 руб, што на 1,9253 руб ніжэй папярэдняга паказчыка. Афіцыйны курс еўра да рубля ўпаў на 2,4964 руб у параўнанні з папярэднім днём і з серады ўстаноўлены на ўзроўні 66,7539 руб, што з'яўляецца самым нізкім паказчыкам з 9 снежня 2014 года.

А 10:19 кошт ф'ючэрсаў нафты маркі Brent з пастаўкай у студзені 2015 на лонданскай біржы ICE Futures складаў $61,48 за барэль. На закрыцці таргоў напярэдадні барэль нафты гэтай маркі каштаваў $61,69.

Перад пачаткам гандлёвай сесіі на біржы ў сераду складваўся нейтральны замежны фон, гаворыцца ў справаздачы Альфа-банка, распаўсюджанай у сераду раніцай. «Кошт барэля маркі Brent з пастаўкай у лютым перавысіў узровень $60 на чаканнях росту попыту з боку ўзмацнелай эканомікай ЗША», - адзначаюць аўтары справаздачы.

На думку аналітыкаў Альфа-банка, актыўнасць удзельнікаў таргоў у сераду можа знізіцца на фоне надыходзячых калядных святаў і чаканняў вынікаў трохбаковай сустрэчы кантактнай групы ў Менску.