На таргах курс даляра ўзляцеў да Br11800, еўра - Br14380

Адначасова Нацбанк скараціў валютную камісію да 20%.

На валютных таргах БФВБ 29 снежня курс даляра ЗША павялічыўся на Br770 і склаў Br11800. Курс еўра вырас на Br980 да Br14380.

Курс расейскага рубля вырас на Br4 да Br206.

Адначасова Нацбанк знізіў камісію на куплю валюты да 20%. Такім чынам, курсы валют засталіся на тым жа ўзроўні, што былі на мінулым тыдні.

Пастанова аб зніжэнні камісіі прынятая праўленнем Нацыянальнага банка з улікам нармалізацыі сітуацыі на фінансавым і валютным рынках рэспублікі, паведамляе сайт Нацбанку.

«Рэалізацыя комплексу пастаноў, принятых правительством и Национальным банком 19 декабря 2014 года, дазволіла не дапусціць развіцця негатыўных тэндэнцый у фінансавым сектары Рэспублікі Беларусь. Аперацыі ў куплі-продажы насельніцтвам замежнай валюты з банкамі ў сапраўдны час праводзяцца ў звычайным рэжыме, большасць абменных пунктаў і кас банкаў забяспечана гатоўкай замежнай валюты ў дастатковых аб'ёмах. Назіраецца прыток тэрміновых укладаў насельніцтва ў нацыянальнай валюце.

Пастанова аб зніжэнні памеру камісійнага збору пры куплі насельніцтвам замежнай валюты да 20 адсоткаў прынятая з улікам аналагічнага зніжэння з 29 снежня 2014 памеру падатку на біржавыя аперацыі пры набыцці замежнай валюты (пастанова Савета Міністраў Рэспублікі Беларусь ад 2014/12/27 №1251), а таксама змены афіцыйнага абменнага курсу беларускага рубля да даляра ЗША, які склаў паводле вынікаў таргоў на Беларускай валютна-фондавай біржы 29 снежня 2014 каля 7 адсоткаў. Адначасовая рэалізацыя названых мер дасць магчымасць павялічыць аб'ём грашовых сродкаў у беларускіх рублях, што атрымліваюцца прадпрыемствамі-экспарцёрамі пры правядзенні абавязковага продажу валютнай выручкі на біржы, і не прывядзе да павелічэння фактычнага курсу набыцця замежнай валюты для насельніцтва і прадпрыемстваў.

Па меры замацавання пазітыўных тэндэнцый на фінансавым рынку будуць прымацца далейшыя крокі ў зніжэнні камісійнага збору пры куплі насельніцтвам замежнай валюты», - гаворыцца ў паведамленні.

Рост курсаў валют супаў з прызначэннем новага старшыні Нацбанку. Павел Калаур яшчэ з пачатку 2000-ых быў прыхільнікам адзінага курсу.

Нагадаем, старшынём праўлення Нацыянальнага банка Беларусі замест Надзеі Ермаковай стаў Павел Калаур, які раней працаваў на пасадзе старшыні праўлення Белзамежэканамбанка, а з 1993 да 2010-ых гадоў працаваў спачатку намеснікам старшыні, а потым і першым намеснікам старшыні праўлення Нацбанку Беларусі.