НЗ пад Чэлябінскам: 30 вагонаў з вуглём сышлі з рэек
5- 12.02.2014, 10:17
- 6,789
У Чэлябінскай вобласці Расеі сышоў з рэек 31 вагон грузавога складу з вуглём.
З-за аварыі 25 вагонаў апынуліся на баку. Ахвяр і пацярпелых няма. Пашкоджанняў кантактнай сеткі таксама не выяўлена, паведамляе ІТАР-ТАСС.
"У выніку сходу вагонаў пашкоджана 400 метраў няцотнага шляху, больш за 300 метраў - цотнага. Рух цягнікоў на гэтым участку прыпынены", - адзначаецца ў паведамленні ГУ МНС па Чэлябінскай вобласці. Ведамства ўдакладняе, што надзвычайнае здарэнне адбылося на 1969-м кіламетры чыгункі.
Па звестках ведамства, пасажырскія цягнікі N14 Масква - Чэлябінск і N392 Масква - Чэлябінск пройдуць да станцыі Залатавуст, далейшая перавозка пасажыраў арганізаваная аўтобусамі. Накіраваныя абыходным шляхам праз Уфу - Беларэцк - Карталы цягнікі N312 Астрахань - Ніжнявартаўск, N142 Сімферопаль - Екацярынбург, N71 Астана - Масква, N313 Ніжнявартаўск - Пенза. Адмяняецца прыгарадны цягнік N6056 Златавуст - Чэлябінск. Прыгарадны цягнік N6003 Чэлябінск - Златавуст пройдзе да станцыі Міас.
Прычыны сходу вагонаў з рэек высвятляюцца. У цяперашні час на месцы здарэння вядуцца аднаўленчыя работы, адзначаюць у МНС. У ААТ "РЖД" створаны аператыўны штаб па ліквідацыі наступстваў аварыі. На месцы працуе камісія на чале з начальнікам ЮУЖД Віктарам Паповым.
Нагадаем, на мінулым тыдні ў Кіраўскай вобласці таксама сышлі з рэек і загарэліся некалькі дзесяткаў вагонаў з кандэнсатам звадкаванага газу. Пасля ліквідацыі гарэння цыстэрнаў з выбуханебяспечным рэчывам на месцы аварыі праводзіліся работы па ачыстцы забруджанай тэрыторыі.