У Маладзечна затрымалі групу «лянівых» аўтазгоншчыкаў

Злачынная група аўтазгоншчыкаў, якія не ўскладнялі сябе распрацоўкай мудрагелістых планаў, затрыманая ў Маладзечна.

«Трое непрацуючых жыхароў Маладзечна падазраюцца ў здзяйсненні крадзяжоў больш чым з двух дзесяткаў гаражоў і згоне 4 аўтамабіляў у Маладзечанскім і Вілейскім раёнах», - паведамілі агенцтву «Інтэрфакс-Захад» у аддзяленні інфармацыі і грамадскіх сувязяў УУС Менаблвыканкама.

Там удакладнілі, што «на промысел» малойчыкі выходзілі пад покрывам ночы».

«Распрацоўкай нейкіх мудрагелістых планаў і камбінацый сябе не ўскладнялі: у ГСК выбіралі гаражы з навяснымі замкамі, якія, ўмат не выдумваючы, проста збівалі, бралі ўпадабаныя ім рэчы (тыя, што лягчэй усяго прадаць), выбіралі адну з аўтамашын (якую было лягчэй усяго завесці), грузілі ў яе сабраны скарб і з'язджалі», - распавялі ў прэс-службе. «Каб «замесці» сляды - машыны спальвалі. Скрадзеную маёмасць збывалі праз сваіх знаёмых у Маладзечна. Грошы прапівалі», - распавялі ва УУС.

Там таксама адзначылі, што двое членаў гэтай групы раней ужо прыцягваліся да крымінальнай адказнасці - «яны таксама здзяйснялі крадзяжы з гаражоў, толькі залазілі туды праз стрэхі».

У цяперашні час, па інфармацыі УУС, распачатыя крымінальныя справы па артыкулах «Крадзеж» і «Згон», частка выкрадзенай маёмасці знойдзеная і канфіскаваная.