YouTube заблакаваў афіцыйны канал МУС Украіны

За частыя і грубыя парушэнні правілаў і аўтарскіх правоў YouTube заблакаваў афіцыйны канал МУС Украіны.

YouTube заблакаваў афіцыйны канал МУС. Акаўнт не працуе, пры спробе зайсці на яго з'яўляецца надпіс: «Дзеянне гэтага акаўнта прыпынена з-за частых або грубых парушэнняў правілаў супольнасці і/або з-за скаргаў аб парушэнні аўтарскіх правоў».

Як паведаміў намеснік прэс-сакратара МУС Іван Бабаеў, YouTube ужо не ўпершыню блакуе канал МУС. Раней ён быў заблакаваны пасля апублікавання відэа, на якім нібыта відаць, як пратэстоўцы спрабуюць скамячыць грэйдэрам байцоў унутраных войскаў, адзначае «ТВі».

Цяпер, па словах Бабаева, канал заблакавалі нібыта «пасля апублікавання відэа з двума рускімі блогерамі, якія ў нецвярозым стане знаходзіліся ў будынку банка». Раней блогеры сцвярджалі, што міліцыя іх збіла і выкрала.

Бабаеў заявіў, што пры блакаванні ведамства звяртаецца ў Youtube і доступ да акаўнта аднаўляюць.