Мілеўскі: На Алімпіядзе ў Сочы заўзею за Беларусь
8- 15.02.2014, 15:00
- 12,070
Украінскі футбаліст беларускага паходжання Арцём Мілеўскі радуецца поспехам зборнай Беларусі на Алімпіядзе ў Сочы.
Пасля таго, як беларуская біятланістка Дар'я Домрачава здабыла другі залаты медаль на Алімпіядзе ў Сочы, Арцём Мілеўскі на сваёй старонцы ў Imstagram размясціў яе фота і напісаў: «Домрачава, наперад за трэцім. Беларусь, сумую».
Пасля гэтага чытачы спыталі ў Арцёма, чаму ён заўзее за Беларусь, маючы ўкраінскі пашпарт, піша korrespondent.net.
«Я хвалююся за Радзіму! Пашпарт - гэта яшчэ не ўсё. Але я люблю Украіну», - адзначыў ён.
Ён таксама дадаў, што за зборную Украіны выступаў, «бо папрасілі».
Фота: instagram.com/timi1010