Турэмшчыкі забаранілі палітвязню Васьковічу чытаць кнігі

Начальства Магілёўскай турмы №4 не прапусціла кніжную бандэроль для Яўгена Васьковіча.

Улады Менска, Бабруйска і Магілёва забаранілі пікеты ў падтрымку палітвязня Яўгена Васьковіча, паведамляе прэс-служба БХД.

Акрамя таго, як паведаміла маці палітвязня, да яе вярнулася бандэроль з кнігамі, якія яна даслала сыну ў турму. Кнігі дасланыя назад з паметкай «не паложана».

Нагадаем, Яўген Васьковіч быў асуджаны разам з Арцёмам Пракапенкам і Паўлам Сырамалотавым. Яго прысудзілі да 7 гадоў зняволення паводле абвінавачання ў спробе падпалу дзвярэй бабруйскага аддзялення КДБ. Шмат разоў яго кідалі ў карцэр. Пазней з калоніі палітвязень быў пераведзены ў Магілёўскую турму №4 як «злосны парушальнік рэжыму».