Расейскі суд пакінуў лётчыцу Саўчанку ў следчым ізалятары да канца жніўня (Відэа)

Варонежскі аблсуд паводле вынікаў разгляду апеляцыйнай скаргі ўкраінскай лётчыцы Надзеі Саўчанкі прыняў пастанову пакінуць яе пад вартай да 30 жніўня.

Пра гэта паведаміла «Інтэрфаксу» прэс-сакратарка аблсуда Лада Пеціна.

Як паведаміў ТСН адвакат лётчыцы Мікалай Шульжэнка, перспектывы справы былі даволі прывідныя, паколькі паседжанне праводзілася таемна, без лішніх сведак, у закрытым рэжыме.

У чацвер Надзею, якая знаходзіцца ў трэцім следчым ізалятары Варонежа, нават не прывезлі ў суд. Яе слухалі проста са следчага ізалятара праз відэасувязь.

Нагадаем, украінскі афіцэр-лётчык Надзея Саўчанка ўдзельнічала ў антытэрарыстычнай аперацыі і 18-19 чэрвеня трапіла ў палон да сепаратыстам каля горада Шчасце пад Луганскам. Амаль тыдзень пра яе месцазнаходжанне нічога не было вядома.

Пасля з'яўлення інфармацыі аб яе знаходжанні ў Варонежскім ізалятары МЗС Украіны выказала рашучы і катэгарычны пратэст дзеянням расейскіх уладаў, абвінаваціўшы іх у адкрытым выкраданні грамадзян Украіны на тэрыторыі нашай дзяржавы.

Цяпер украінская ўлада, у тым ліку, з дапамогай міжнароднай супольнасці, прыкладае намаганні для вяртання Надзеі Саўчанкі ва Украіну.