На «Эмі-2014» прэтэндуюць «Гульня пасадаў» і «Ва ўсе цяжкія»

Абвешчаныя намінанты на тэлевізійную прэмію «Эмі» 2014 года за праграмы, якія выходзяць у прайм-тайм.

У катэгорыі «найлепшы драматычны серыял» прэзентаваныя шэсць тэлешоў - «Ва ўсе цяжкія», «Абацтва Даўнтон», «Гульня пасадаў», «Картачны домік», «Вар'яты» і «Сапраўдны дэтэктыў», піша «Газета.Ru».

У катэгорыю «найлепшы камедыйны серыял» патрапілі «Луі», «Амерыканская сямейка», «Аранжавы - хіт сезону», «Крэмніевая даліна», «Тэорыя Вялікага выбуху» і «Віцэ-прэзідэнт».

Брытанскі серыял «Шэрлак» прэзентаваны адной серыяй – фінальнай у трэцім сезоне («Ягоны развітальны зарок») - у намінацыі «тэлефільмы».

Поўны спіс намінантаў можна ўбачыць на сайце Амерыканскай тэлевізійнай акадэміі, якая ўручае ўзнагароды. Лаўрэатаў прайм-таймавай «Эмі-2014» назавуць у Лос-Анджэлесе 25 жніўня.