ДТЗ праз кацяня на трасе пад Менскам: пацярпелі некалькі аўто

Сур'ёзная аварыя адбылася на дарозе Менск - Нацыянальны аэрапорт Менск.

У ДТЗ трапілі тры аўтамабілі, адзін з якіх вылецеў у кювет. Прычынай, на думку відавочцаў, стала з'яўленне на праезнай часткі кацяняці.

У размове з карэспандэнтам Onliner.by аўтар фота распавёў: «Мяркуючы з ўсяго, адзін з кіроўцаў спыніўся, прапускаючы кацяня. Але наступныя аўто спыніцца не паспелі. BMW X5 і другі пазадарожнік з прычэпам пашкоджаныя, а трэці аўтамабіль вылецеў у кювет. На узбочыне было шмат людзей, таму я не спыняўся».

Паводле інфармацыі МНС, ДТЗ здарылася ля вёскі Слабадшчына ў Менскім раёне. Паводле афіцыйных звестак, кіроўца Mitsubishi L-200 не справіўся з кіраваннем і рэзнуўся ў заднюю частку Peugeot 306, які рухаўся наперадзе. Выратавальнікі дапамаглі выбрацца з аўтамабіля пацярпелай 23-гадовай цяжарнай дзяўчыне, якая знаходзілася на пярэднім пасажырскім сядзенні. Яе даставілі ў Менскую абласную радзільню для правядзення абследавання.

Кацяня, на жаль, загінула. Раней мы неаднаразова паведамлялі пра выпадкі, калі з'яўленне жывёл на дарозе прычыняецца да сур'ёзных здарэнняў. Каля чатырох гадоў таму на адной з трас жанчына рэзка крутанула стырно, паспрабаваўшы аб'ехаць вожыка. У выніку аўтамабіль з'ехаў у кювет і перакуліўся - загінула пасажырка.