Каламойскі: Басманнае правасуддзе мяне не хвалюе
14- 2.07.2014, 14:51
- 18,484
Губернатар Днепрапятроўскай вобласці Ігар Каламойскі заявіў, што яго не хвалюе пастанова аднаго з судоў Масквы аб завочным арышце.
"Правасуддзе, якое нават у Расеі называецца "басманным", мяне не хвалюе", - цытуе Каламойскага прэс-служба Днепрапятроўскай аблдзяржадміністрацыі.
Нагадаем, 2 ліпеня Басманны суд Масквы вынес пастанову аб завочным арышце губернатара Днепрапятроўскай вобласці Ігара Каламойскага.
Раней Следчы камітэт РФ накіраваў у суд матэрыялы аб арышце Каламойскага, абвінаваціўшы губернатара Днепрапятроўшчыны ў арганізацыі шэрагу "злачынстваў", назваўшы ягоны ўдзел у антытэрарыстычнай аперацыі на ўсходзе Украіны "ўжываннем забароненых сродкаў і метадаў вядзення вайны".
Перад гэтым СК распачаў крымінальную справу ў дачыненні да "пакуль нявысветленых асоб вайскоўцаў Узброеных сіл Украіны, Нацыянальнай гвардыі і Правага сектара", абвінаваціўшы сілы АТА ў парушэнні Жэнеўскай Канвенцыі, назваўшы пры гэтым тэрарыстаў "цывільнымі асобамі".