У аэрапорце Днепрапятроўска ўпаў вайсковы самалёт Су-25

Сёння, 2 ліпеня а 11.20 пры заходзе на пасадку ў аэрапорце Днепрапятроўска ўпаў самалёт Су-25.

Пра гэта паведамляе прэс-служба Мінабароны Украіны.

Паводле паведамлення, пры заходзе на пасадку пілот адчуў змены ў кіравальнасці лятальным апаратам ў папярочным стасунку.

"Лётчыкам былі прынятыя ўсе меры для правядзення пасадкі, але ў сувязі з тым, што лятальны апарат страціў кіравальнасць, ён быў вымушаны катапультавацца. Ахвяр і разбурэнняў аб'ектаў аэрапорта няма", - гаворыцца ў паведамленні.