Менск наш! Наперад на Захад?
29- 2.07.2014, 17:48
- 39,385
Двухсэнсоўны лозунг збіраюцца правезці па цэнтры Менска 3 ліпеня падчас параду.
Падрыхтоўка і ідэалагічны сэнс параду падчас святкавання 70-годдзя вызвалення Менска ад фашыстаў нярэдка выклікаюць здзіўленне. Традыцыйныя ўжо халадзільнікі, трактары, спартоўцы і калядоўшчыкі разбаўлены гіганцкім белым мядзведзем і перасоўнай платформай з трохметровым лозунгам «Менск наш!».
Лозунг выглядае больш чым двухсэнсоўна з улікам таго, што расейская ваенная агрэсія супраць Украіны праходзіць пад аналагічным лозунгам «Крым наш!», А ў парадзе ўдзельнічаюць вайсковыя падраздзяленні з Расеі пад расейскімі сцягамі.
Магчыма, беларускі дыктатар такім чынам хоча перадаць прывітанне свайму расейскаму калегу, але мэсэдж атрымліваецца занадта складаным. Тым больш арыгінальны лозунг часоў Другой сусветнай вайны цалкам выглядае так: «Менск наш. Наперад на Захад».