Тымчук: Тэрарысты ў паніцы
42- 2.07.2014, 19:12
- 65,627
Баевікі нясуць сур'ёзныя страты ў жывой сіле, узбраенні і тэхніцы.
Паводле аператыўных звестак групы «Інфармацыйны Супраціў», якія прыводзіць яе кіраўнік Дзмітрый Тымчук, з моманту аднаўлення актыўнай фазы АТА ўкраінскія сілавікі адбілі ў тэрарыстаў і ўсталявалі кантроль над населенымі пунктамі:
- Закотнае
- Райгарадок
- Рэзнікоўка
- Рай
- Аляксандраўка
У гэты час бярэцца пад кантроль Мікалаеўка.
Таксама ў выніку актыўных дзеянняў і вызвалення тэрыторыі ад баевікоў разблакаваны блокпост сіл АТА, які раней фактычна дзейнічаў у тыле ў баевікоў.
З вызваленнем гэтых населеных пунктаў перапыненыя асноўныя маршруты матэрыяльна-тэхнічнага забеспячэння тэрарыстычных груп.
У групах тэрарыстаў назіраецца рэзкае пагаршэнне маральна-псіхалагічнага стану. Тэрарысты нясуць сур'ёзныя страты ў жывой сіле, узбраенні і тэхніцы. Лідэры тэрарыстычных груп маюць жорсткую ўстаноўку адмаўляць сур'ёзныя страты.