17 сучасных скульптур, якія можна палюбіць
7- 4.07.2014, 11:07
- 14,387
Падарожнічаючы па іншых краінах, немагчыма не звярнуць увагу на творы таленавітых скульптараў, якія ствараюць з кавалка каменя і металу сапраўдны твор мастацтва.
У гэтым даборы AdMe.ru наважыў расказаць вам пра найлепшыя шэдэўры чалавечай фантазіі, якія ўпрыгожылі вуліцы гарадоў на ўсёй зямной кулі.
Паэт Міхай Эмінэску, Румынія
Імя Міхая Эмінэску сёння ўважаецца за святога для кожнага румына або малдаваніна. У гонар яго і ўсталяваная гэтая скульптура, якая становіцца яшчэ больш цудоўнай на заходзе.
Мустангі Лас-Калінаса, ЗША
Памер бронзавых мустангаў у паўтары разы больш за натуральны. Асноўная ідэя скульптуры - перадаць рухальную сілу, ініцыятыву і разняволены дух, якія былі ўласцівыя Тэхасу ў перыяд яго каланізацыі.
Расшырэнне, ЗША
Гэта дзіўная кампазіцыя цяпер уважаецца за адзін з выдатных шэдэўраў сучаснага мастацтва. Скульптарка Пэйдж Брэдлі кажа, што «Расшырэнне» стала вынікам ейных разважанняў пра крытычнае стаўленне публікі да скульптур, якія паказваюць чалавека.
Пераход, Польшча
Польшча - гэта краіна, на долю якой выпала мноства цяжкасцяў і нягод. Гэты помнік прысвечаны ахвярам прыняцця закона аб ваенным становішчы.
Гіпапатам, Тайвань
Скульптура гіпапатамаў у Тайбэйскім заапарку служыць знакам таго, як важна ахоўваць дзікіх жывёлін.
Чаравікі на беразе Дуная, Вугоршчына
Помнік расстраляным габрэям Вугоршчыны. Ён быў усталяваны ў 2005 годзе.
Свабода, ЗША
Гарадская скульптура Зэнаса Фрудакіса паказвае аднаго чалавека, які вылучаецца, і крок за крокам адасабляецца ад шэрай масы асоб, рук і ног.
Хлопчыкі, што купаюцца, Сінгапур
«Хлопчыкі, што купаюцца» з'яўляюцца часткай сэрыі помнікаў «People of the River», на якіх паказаны лад жыцця ранніх жыхароў, што сяліліся ўздоўж ракі.
Мемарыял памяці габрэяў, Кракаў
Крэслы нагадваюць, што ў перыяд высялення габрэяў у гета на вуліцу выносілася ўся мэбля з жылля, каб ніхто ў хаце не схаваў немаўлятаў.
Скульптура ласося, ЗША
Скульптура ласося ў Портлэндзе прабіла наскрозь адзін з гарадскіх будынкаў.
Львы, Вялікабрытанія
Чорныя львы, створаныя прафесійным скульптарам Кендрай Хейст, ахоўваюць лонданскі Таўэр ад няпрошаных гасцей.
Скульптура павучыхі Маман, Токіё
9-мэтровая скульптура, зробленая з бронзы, нержавейнай сталі і мармуру, з'явілася ў 2007 годзе. «Гэты павук - прысвячэнне маёй маці, якая была для мяне найлепшым сябрам, - кажа скульптарка Луіза Буржуа. – Як і павук, яна была ткачыхай».
Гіганцкія коні Келпі, Шатландыя
Будаўніцтва доўжылася 7 гадоў. Скульптуры дасягаюць вышыні 30 мэтраў і азначаюць сабою пераемнасць шатландскай прамысловасці і эканомікі ад коней-цяжкавозаў, якія цягнуць вагоны, плугі і баржы.
Дарога свабоды, Вільня
«Дарога свабоды» - гэта скульптура, прысвечаная дваццацігоддзю аднаўлення Літоўскай дзяржавы, што заклікае ўсіх жыхароў краіны працягнуць шлях свабоды і адзінства.
Тэлефонныя будкі, Вялікабрытанія
Скульптура створаная са спісаных чырвоных тэлефонных будак класічнай мадэлі К6. Яна азначае сабой сімвал эпохі, якая, на жаль, сыходзіць у мінуўшчыну, бо аўтаматы замяняюцца мабільнымі тэлефонамі.
Эмігранты, Ірландыя
Вялікі голад у Ірландыі пакінуў вялікі след у гісторыі краіны. За тыя некалькі гадоў голаду яна страціла 20-25% свайго насельніцтва. Ахвярам гэтага жаху і прысвечаны помнік у цэнтры Дубліна.
Закаханыя цмокі, Балгарыя
Як заяўляе аўтар помніка скульптар Д.Лазараў, казачных персанажаў ён стварыў, каб парадаваць малечу – вельмі блізка знаходзіцца басэйн, дзе практыкуюцца дзеці.