Аперацыя «стратэгічны шантаж»
51- 5.07.2014, 8:59
- 48,381
Калі Парашэнка адступіць і спыніць АТА, Пуцін будзе выратаваны.
Пра гэта піша ў блогу на сайце «Эхо Москвы» былы дарадца прэзідэнта РФ Андрэй Іларыёнаў.
Апошнія два дні расейскімі ўладамі праводзіцца беспрэцэдэнтная маштабам і выкарыстоўваннем рэсурсаў спецаперацыя шантажу заходніх лідараў, украінскага кіраўніцтва, расейскага грамадства з мэтай спыніць дзеянні украінскіх узброеных сіл у падаўленні тэрарыстаў ва Усходняй Украіне.
У выніку чатырохмесячнай агрэсіі супраць Украіны Пуцін апынуўся на парозе смяротнай для сябе развілкі:
1. Адмова ад масіраванай вайсковай падтрымкі тэрарыстаў (цяпер практычна выключна ў выглядзе прамога ўзброенага ўварвання ва Усходнюю Украіну) азначае страту Пуціным масавай падтрымкі і правакаванне бунту/паўстання/перавароту ў Расеі супраць «нацыянал-здрадніка Наваросіі» з верагоднай стратай улады і, магчыма, жыцця.
2. Уварванне рэгулярных расейскіх войскаў ва Усходнюю Украіну выводзіць канфрантацыю з Захадам і дэ-факта усім навакольным светам на такі ўзровень, які гарантуе разгром Расеі і непазбежны ў гэтым выпадку Нюрнберг/Гаагу/Севастопаль для арганізатара найбуйнейшай агрэсіі ў Еўропе пасля 1945 г.
Прынцыповае адрозненне гэтых двух пагроз заключаецца ў тым, што другая - гарантаваная, але аддаленая, у той час як першая - нявызначаная, але затое непасрэдная.
Апынуўшыся на смяротным раздарожжы, якое так каларытна апісана ў «Гістарычным праклёне - 2», Пуцін азартна пайшоў паказаным у тым жа тэксце трэцім шляху, пачаўшы выключна рызыкоўную, але збаўчую, як яму падаецца ў гэты момант аперацыю.
Ён вырашыў максімальна падняць стаўкі ў сваім псіхалагічным і вайсковым супрацьстаянні з «Пятром Аляксеевічам», спрабуючы прымусіць яго спыніць АТА на Данбасе. Для гэтага цяпер:
- Ідзе маштабнае напампоўванне войскамі і боепрыпасамі тэрарыстаў на Усходзе Украіны;
- Учыняецца беспрэцэдэнтнае лабіраванне заходніх лідараў, каб яны націснулі на Парашэнку;
- Праз усе магчымыя каналы ідзе распаўсюд чутак аб пачатку «бліжэйшымі 48 гадзінамі» «міратворчай аперацыі» расейскіх ВС ва Усходняй Украіне;
- Ва ўкраінскім палітычным класе створаны антыпарашэнкаўскі хаўрус.
Мэта ўсіх гэтых дзеянняў адна - спыніць АТА на Данбасе, выставіць Пуціна «міратворцам» і тым самым выратаваць яго як ад новай хвалі заходніх санкцый, так і ад выбуху абурэння «Наварасійскай» кааліцыі ў Расеі.
Калі Парашэнка адступіць і спыніць АТА, Пуцін будзе выратаваны.
«Новороссіі» будзе легітымізавана і канстытуявана.
Што, натуральна, будзе прадстаўлена гораду і свету ў якасці новай выдатнай перамогі нацыянальнага лідара.