Кошты бензіну выраслі на 4,7%

«Белнафтахім» абвясціў аб першым у 2015 годзе павышэнні коштаў на аўтамабільнае паліва.

З 13 студзеня кошт бензіну Аі-92-К5-Еўра ўсталяваны на ўзроўні 11 100 рублёў (500, або 4,7%), бензіну Аі-95 – 11 900 рублёў (500; + 4,4%), дызпаліва К5 – 12 300 (600; + 5,1%), "Нармаль-80" – 10 000 (450; + 4,7%). У сярэднім кошты выраслі на 4,7%, піша БелаПАН.

Раздробленыя кошты аўтамабільнага паліва "часткова праіндэксаваныя ў сувязі з ростам курсу даляра да беларускага рубля», гаворыцца ў паведамленні канцэрна. Перагляд коштаў зроблены таксама "ў сувязі з ростам кошту расейскай нафты для беларускіх НПЗ пры увядзенні з 1 студзеня 2015 падатковага манеўру ў Расейскай Федэрацыі".

Папярэдняе павышэнне рознічных коштаў на паліва адбылося 1 кастрычніка 2014 года. Пры гэтым кошт бензіну Аі-92-К5-Еўра быў прывязаны да амерыканскай валюты: 1 літр - 1 даляр. Пры афіцыйным курсе на той дзень 10 590 рублёў кошт гэтай маркі бензіну быў усталяваная на ўзроўні 10 600 рублёў. Бензін Аі-95 стаў каштаваць тады 11 400 рублёў (1,08 даляра), дызпаліва К-5 – 11 700 (1,10), «Нармаль-80» - 9 550 (0,90).

Прымяненне індэксацыі рознічных коштаў у залежнасці ад курсу даляра да беларускага рубля «дазволіць спалучаць дзяржаўнае і рынкавае рэгуляванне коштаў і наблізіць дзеючы ў Рэспубліцы Беларусь механізм цэнаўтварэння на аўтамабільнае паліва да сусветнай практыкі», гаварылася ў абгрунтаванні «Белнафтахіма». Новы механізм «дасць магчымасць нафтаперапрацоўчым заводам больш аператыўна рэагаваць на змены кошту нафтавай сыравіны, якую беларускія нафтаперапрацоўчыя заводы набываюць у Расейскай Федэрацыі па перадаплаце толькі за валюту». «Узровень кошту 1 літра індыкатыўнай маркі бензіну Аі-92-К5-Еўра, раўназначны 1 даляру, дазволіць забяспечваць мінімальную эфектыўнасць працы нафтаперапрацоўчых заводаў Рэспублікі Беларусь і магчымасць для іх далейшай мадэрнізацыі», - адзначалася ў прэс-рэлізе.

Беларускі бензін па-ранейшаму даражэйшы за расейскі, які значна патаннеў у даляравым эквіваленце ў выніку двухразовай дэвальвацыі грашовай адзінкі РФ. Кошт Аі-95 цяпер вышэйшы ў сярэднім на 45,6%, Аі-92 - на 50%, дызпаліва - на 50,9%. Нямала беларускіх аўтаўладальнікаў з прымежных раёнаў аддаюць перавагу запраўляцца ў Расеі, хоць раней было наадварот.

Паводле вынікаў 2014 «Нармаль-80» падаражэў у Беларусі на 20,9%, бензін Аі-92-К5-Еўра - на 20,5%, Аі-95 - на 20%, дызпаліва - на 19,8%. Кошты павялічваліся чатыры разы.

У 2013 годзе кошты на аўтамабільнае паліва падвышаліся пяць разоў. Кошт «Нармаль-80» вырасла на 17%, Аі-92 - на 23,7-26,6%, дызпаліва - на 25,5%, Аі-95 - на 26,7%.

У 2012 годзе аўтамабільнае паліва даражэла чатыры разы. Кошт «Нармаль-80» павялічылася на 32,4%, Аі-92 - на 21,9%, Аі-95 - на 23%, дызпаліва - на 21,4%.

У 2011 годзе кошт паліва павышаўся 11 разоў і зніжаўся адзін раз. «Нармаль-80» падаражэў у 2,4 разы, Аі-92 - у 1,99 разы, Аі-95 - у 1,88 разы, дызпаліва - у 2,44 разы.

З пачатку кастрычніка 2014 сярэдні кошт барэля нафты на сусветным рынку абрынуўся з 90 да 50 даляраў, або ў 1,8 разы.