Der Spiegel: Літва рыхтуе насельніцтва да ўварвання Расеі

Урад Літвы дае сваім грамадзянам парады на выпадак нападу Расеі.

Яны павінны аказваць супраціў - таксама з дапамогай кібератак, піша УНІАН.

У артыкуле «Літва рыхтуе насельніцтва да ўварвання Расеі», апублікаваным на сайце нямецкага выдання Der Spiegel, паведамляецца аб тым, што літоўскі ўрад баіцца нападу Расеі, і цяпер дае сваім грамадзянам парады аб тым, як сябе паводзіць у выпадку вайны. «Захоўвайце спакой і не паддавайцеся паніцы, - піша міністэрства абароны ў брашуры. - Стрэлы прама за Вашым акном не азначаюць канец свету».

У выпадку ўварвання літоўцы павінны арганізавацца ў Twitter і Facebook і паспрабаваць пачаць кібератакі супраць ворага. Акрамя таго, грамадзяне павінны аказваць супраціў акупантам з дапамогай дэманстрацый, забастовак або, прынамсі, зніжэння тэмпаў працы. Так гаворыцца ў кіраўніцтве, якое Міністэрства абароны, пачынаючы з наступнага тыдня, хоча выдаць бібліятэкам і вайсковым установам.

Літва, да здабыцця незалежнасці ў 1991 годзе, была часткай Савецкага Саюза, затым яна шукала спосаб далучыцца да заходніх саюзаў. У 2004 годзе балтыйская дзяржава стала сябрам ЕЗ і NАТO.

Пасля эскалацыі крызісу ва Украіне, літоўцы ўсё больш занепакоеныя тым, што пасля анэксіі Крыму Расея можа ўварвацца і ў іх краіну. Толькі ў снежні, у сваім Калінінградскім эксклаве, які мяжуе з Літвой, Расея праводзіла вучэнні з 9 тысячамі жаўнераў і 55 вайсковымі караблямі.

«Прыклад Грузіі і Украіны, якія страцілі часткі сваёй тэрыторыі, паказвае нам, што тут мы таксама не можам выключаць такую сітуацыю, і мы павінны быць да гэтага гатовыя», - сказаў міністр абароны Літвы Юозас Алекас навін агенцтву Reuters. Літва неверагодна падвысіла набор у войска і вайсковыя рэсурсы з пачатку ўкраінскага крызісу.

«Калі Расея пачала агрэсію ва Украіне, нашы грамадзяне тут, у Літве, зразумелі, што наш сусед цалкам не ласкавы», - дадаў Алекас. Літоўскі ўрад цяпер разглядае магчымасць зацвярджэння новых будынкаў толькі з бамбасховішчамі.

Расея анэксавала ўкраінскую паўвыспу Крым у сакавіку мінулага года. Акрамя таго, Захад абвінавачвае кіраўніцтва Масквы ў падтрымцы прарасейскіх сепаратыстаў на ўсходзе Украіны зброяй і войскамі, і, такім чынам, у распальванні канфлікту.

Фота: AP